halló halló

Vegna lélegrar nettenginar í allt sumar hef ég ekki haft þolinmæði að setjast við tölvuna heima og skrifa eitthvað en núnar þar sem góð nettenging er komin í mitt líf þá verður vonandi breyting á

En nú er sumarið búið og vinnunni minni heima í sveit lokið og verð ég að játa það að ég er pínu farin að sakna sveitarinnar. En ég og grjóni erum nú flutt í mjög fína íbúð sem tilheyrir stúdentaíbúðum á Akureyri og líður vel þar. Háskólinn byrjaði svo í seinustu viku með nýnemaviku sem átti að kynna okkur fyrir háskólanum og samnemendum okkar og lukkaðist það bara vel. Svo fór alvaran að byrja: NÁMIÐ, þetta er sko enginn dans á rósum skal ég segja ykkur og fyrstu dagana nagaði ég neglurnar alveg niðrí kviku en þær eru að byrja að vaxa aftur gvuði sér lof. Það eru 26 sem eru að læra iðjuþálfun núna en ekki nema 18 sem komast áfram um áramótin þannig að það er heldur ekki til að bæta stressið. En það eru allir búinir að vera að peppa mann svo mikið upp að mar er farinn að líta á þetta með aðeins léttara hugarfari og mar farinn að kynnast fólkinu pínu sem er með manni þannig að mar reynir bara ekki að hugsa um það heldur .Félagslífið í skólanum er líka svo allt annað en mar mátti venjast í VMA t.d fyrstu vikuna mina datt ég í það 2 sinnum með háskólanum,(hmmm góður háskóli) sem mér fannst bara nokkuð gaman skal ég segja ykkurJ. Ég skal samt viðurkenna að ég er lítið farin að læra sem er ekki gott en bæti vonandi úr því sem fysrt.

Næsta sunnudag hætti kemst ég svo í fullorðina tölu þar sem ég verð 20!!!! VÚHÚ hvað getur mar annað sagt. Þannig að það verður örugglega party í nýju íbúðinni okkar í tilefni af því og ykkur sem ég þekki eruð velkomin þangað á laugardagskvöldið í heljarinnar stuðJ

Ég er að hugsa um að kaupa mér fartölvu, sýnist sko ekkert veita að því að vera með svoleiðist í nokkrum tímum hjá mérJ

En jæja þetta er nú það sem er að gerast í lífi mínu þessa dagana,

Skrifa vonandi bráðlega attur

Kv. Sigurdís

 

 

Tími til kominn að skella inn afsökunarbeiðni á leti okkar að skrifa hérna inn og skrifa nokkrar línur um hvað sumarið er búið að snúast um hjá mér... Vinna, vinna og aftur vinna og svo smá svefn þar inn á milli... lítið annað fréttnæmt búið að gerast! Er einungis búin að gera þrjá hluti í sumar sem er vert að nefna... 1. Fór til Egilsstaða með systrum mínum og var þar djammað feitt... 2. Skrapp suður eina helga suður en var eitthvað slöpp allan tímann þannig að lítið var gert. 3. Guðfinna átti afmæli svo í gær og fórum við því í Skagafjörðinn í River Rafting sem var alveg magnað. hefði samt alveg verið til í að prufa stóru ánna og fá smá adrenalínkikk en minni áin var samt líka geggjuð! Fengum okkur svo að éta í Varmahlíð og fórum svo í bíó á The Amityville Horror sem var alveg ógeðslega góð... mæli sterklega með henni! Fyrsta skipta á ævinni sem ég hef gripið fyrir augun á hryllingsmynd. Er svo bara búin að vera á akureyri í dag og slappa af og njóta frísins míns. Ég, Guffa og Hildur erum bara búnar að vera að flækjast um bæinn í dag og leita að íbúð og vinnu fyrir haustið. Gekk ágætlega með íbúðarleitina svosem en ekkert með vinnu.. hef ekki hugmynd um hvað ég á að gera hér í vetur.. en eitt er víst, ég ætla ei lengur að vera heima í sveit. Verð bara þunglynd og veik af því! Þannig að Akureyri hér æ kome!!!! Er annars bara búin að vera að vinna í Skúlagarði og á Rifós og er lífið búin að snúast eingöngu um það! Alveg helvíti leiðinlegt verð ég að segja! En vegna þess hef ég lítið annað til að skrifa hér og verðið þið því að bíða þar til eitthvað markvert gerist sem ég get skrifað um. bæjó smæjó Ágústa

Halló halló allir saman Nú er mar orðinn súdent og búinn að sækja um í háskólanum á Akureyri.. veit ekki hvernig það á eftir að enda en örugglega gamanJ Fór svo til Reykjavíkur til að sjá hina stórgóðu hljómsveit Iron Maiden.. algjör snild það sko víhí. En já við nokkrar frænkurnar tókum okkur saman og héldum frænkukvöld með öllu tilheyrandi og enduðum svo niðrí bæ, geggjað gamanJ Ég og helga vorum hlaupandi í allar verslanir í kring og bjóða eh fólki í partý og fundum svo annað party rétt hjá okkur og tróðumokkur þangað.. alveg ótrúlegar híhíJ En næst á dagsránni er : vinna… ýdalaball.. skírn og stúdentveisla Og já pabbi minn var að kaupa það sniðugastast í heimi.. garðsláttuvél sem mar situr í og keyrir… mæli með svoleiðis tryllitæki Sée ya sigurdís

Nú geta allir þurkað sér um augun og og tekið gleði sína á ný því að hér koma góðar fréttir

X-ið mun hefja göngu sína á ný föstudaginn 13. maí!!!!.  sem er nebblega á morgun!!!!!!!!!

þetta er ljósið í myrkrinu í þessum prófum okkar!

Legg til að við hittumst nú og hlutstum saman á þessi yndisfögru hljóð sem eiga eftir að koma út úr útvarpstækjum landsmanna  á morgun!!

og svo djamma.. skál- húrra húrra húrra

kv.. Sigurdís í góðu skapi

Í Virðingarskyni minningu X-ins

Já þar sem þessi síðan var nú upprunalega stofnuð í minningu x-ins þá ætla ég ja ekki að fjalla um það heldur um “hina” stöðina sem þótti nú mun merkilegri en X-ið þó ég geti nú ekki verið sammála því. En já þannig er mál með vexti að ég skellti mér suður á mánudaginn sem og var fram á fimmtudag þannig að ég náði djamminu á miðvikudagskvöldinu með stelpunum í Reykjavík

Já til að byrja með þá fórum við á Sólon ekkert nema hrikaleg tónlist þar, og já mér hefur aldrei líka sérlega vel við þann stað en jú það var nú svo stutt stopp þannig ég lét mig hafa það en  já þá var stefnan tekin á Ara í ögri held hreinlega að við höfum náð 3 mínútum þar inni en þá var hlaupið út og kíkt á Prikið jú fínasti staður ekki þessi hræðilega leiðinlega FM tónlist, “hin” stöðin sem sagt, já hitti reyndar gamla vinkonu mína þar en var hent út af stelpunum því ekki ætluðu þær að vera lengur þar inni, en lenti svo í því að bíða eftir þeim úti þar sem þær voru nú komnar í e-a strákaskoðun og þarna beið ég svo úti í kuldanum eftir þeim til að þess að vera dregin upp á Hverfisbarinn og þvílíkur leiðindastaður, hryllilegur og að sjá eins og flest allar stelpurnar sem stunda þennan stað þær eru alveg tómar í hausnum já sem og allt fólkið, en það hlýtur líka að vera það miðað við raðirnar sem það bíður stundum í til þess eins að komast þangað inn, en já tónlistin leiðinleg og varla pláss til að anda, eiginlega eina skemmtun mín þetta kvöld var þegar ég endaði með 3 ljóskum inn á klóstti en það var eiginlega brandari út af fyrir sig hvernig þær höguðu sér... held ég hafi ekki lent í þeim heimskari

 

En já endaði á því að fara bara og keyra ein niður Laugarveginn á meðan ég beið eftir stelpunum sem voru enn á djamminu en já þurfti að keyra svo snemma heim að ég ákvað að vera edrú...

 

En já Sigrún no offence þið voruð frábær félagsskapur enda ekki allir sem hrynja reglulega niður stigann þarna eða þvo á sér hausinn upp úr þurru í vaskinum... fíla bara engan vegin þessa staði, plús það að ég var edrú og veik

 

 

En já Ester við verðum bara að hittast í næstu heimsókn minni suður og kíkja á almennilegt djamm.

En já þar sem ég sat ein út í horni á Hverfis þá gat ég ekki annað en hugsað út í X-ið og muninn á þessari tónlist og komast að því mér til hryllingar að þetta vill fólk hlusta á og þetta ER EKKI TÓNLIST eins og spilað er á þessum stöðum. En já því miður er það hætt og ekki fáum við X-FM norður þannig að ég hlusta bara öllum stundum á rás 2 í vinnunni held hreinlega að það sé næsti kostur á eftir okkar yndislega Xi

 

Í minningu X-ins  Hildur Hrönn

Jæja lömbin mín ef þið hafið verið að velta fyrir ykkur hvort hún Sigurdís væri nú alveg dauð þá hafið þið haft rangt fyrir ykkur.. hér með er ég á lífii en sökum leti og hvað mar hefur nú mikið að gera á þessum tíma hef ég bara ekkert bloggað.
En það hefur margt gerst seinustu daga. Eins og Ágústa skrifaði hérna fyrir neðan vorum við að dimmitera í seinustu viku og var það alveg Geggjað gaman samt soltið erfitt að vera að drekka frá kl 1 um daginn til 4 um nóttina:/ en væri nú samt alveg til í að endurtaka þetta einhverntímann, og þá sérstaklega að fá að vera kengúra og hoppa út um allt.. thíhí..
Svo er nú þessi blessuðu próf byrjuð. er búin að taka 3 og á 3 erftir.. get ekki beðið . er samt í 6 daga fríi núna sem ég ætlaði að nota til þess að gera heimasíðuna mína í Efnafræði en eiga nú örugglega eftir að fara bara í eitthvað bull Meðal annars fór í þessi fjandans samræmdu próf í íslensku og stærðfærði.. Etta er svo mikið bull.. ég Get nú ekki sagt að ég hafi gert mikið á þessum prófum var það reið útí þau Hey ég fann útskriftardraktina mína í gær.. á samt eftir að kaupa hana og kostar hún litlar 20.000 kr.. það er alveg ótrúlegt hvað það er dýrt að útskrifast8 en mar lætur sig nú hafa það þar sem mar gerir þetta nú bara einu sinni
Ég held ég hafi aldrei á ævinni borðað eins mikið af pízzu eins og ég gerði í gær.. fór með kallinum á Greifann og borðaði gjörsamlega yfir mig.. á ekki eftir að vera svöng næstu dagana ligg ennþá á meltunni úff.kjammsi kjamms. Svo fórum við í bíó á myndina The Hitchhiker's guide to the galaxy sem er algjör snilld!! Mæli eindreigið með henni
En ég held ég ætli bara að fara og horfa á Family guy svona þangað til að ég nenni að fara að læra...
kv. Sigurdís

Ákvað að ég yrði nú að skrifa hérna núna víst að ég var að asnast á netið. Ætli þetta sé ekki síðasti pistillinn sem ég skrifa í langan tíma því nú eru prófin að byrja á morgun. Ég ætti nú ekki einu sinni að vera að skrifa hér þar sem ég ætti að vera að læra... er nefnilega að fara í fyrsta spænskuprófið af tveimur á morgun klukkan tvö. Get ekki sagt að mér hlakki til! Ætti núna að sitja sveitt yfir spænskubókunum mínum en af einhverju ástæðum sit ég fyrir framan tölvuna á netinu.. uss uss!

En jæja bíst að maður er hérna þá er eins gott að maður segi einhverjar fréttir... vorum að dimmiter á föstudaginn... dagurinn byrjaði MJÖG snemma en ég vaknaði klukkan fjögur um morguninn þar sem við þurftum að vera mætt klukkan fimm uppí skóla til að fara að skreyta vagnana okkar. Grjóni var svo elskulegur að vakna með okkur og keyra okkur uppí skóla. Svo þegar við vorum búin að skreyta vagnana okkar var ekið af stað að vekja kennarana. Við keyrðum útum allan bæ og vöktum alla kennara skólans held ég. Var allavega orðin nógu þreytt á að standa á þessum kalda og blauta vagni í marga tíma! Það var líka hellirigning allan tíman en sem betur fer voru búningarnir svo hlýjir að manna var bara rétt kalt á nefbroddinum. Svo fórum við uppí skóla og vorum með læti þar og fórum í leiki við kennarana og svona og auðvitað unnu nemendurnir Svo fengum við okkur köku með kennurunum! Löbbuðum svo niður í bæ þar sem við sungum og fífluðumst á torginu en næsta skref var svo óvissuferð. Eins og við vorum búnar að komast að þá var ferðinni heitið útí Hrísey. Þar var farið í ratleik og auðvitað vann liði mitt en ég held nú samt að það hafi verið Hauki kallinum að þakka. en já svo fengum við grillaðar pylsur og svo var bara setið og sungið og haft gaman. Svo þegar var komið aftur í bæinn þá var farið í Vífilfell á bjórkynningu og svo á Hótel KEA þar sem við fengum að éta. Svo var bara farið á skemmtistaði bæjarinns. Urðum þó fyrir vonbrigðum þar sem það var óhemju lítið af fólki á djamminu og var því bara farið snemma heim. Var samt búin að vera vakandi í 24 klst. en svaf samt ekki nema í 10 tíma eða eitthvað.. og þeir sem þekka mig vita að þetta er óvenju lítill svefn En já þetta var ágætis skemmtun.

Jæja mamma kom svo í bæinn á fimmtudeginum og við fórum að versla útskriftargalla. keyptum buxnadragt sem kostaði ekki minna en 23. þúsund kr. ágætis eyðsla á peningum þar!

Er svo búin að vera sveitt alla vikuna í að vinna í því að klára verkefni og var ég að senda það síðast hér áðan. fjúff gott að vera búin að ljúka því af!

En jæja þetta er nóg í bili....

(hver er núna duglegust að skrifa???????????????????????????)

-=Ágústa=-

Já nú eru ekki nema 26 dagar þangað til að maður á að útskrifast... það er að segja ef allt fer samkvæmt áætlun! Ætla samt að deila því með ykkur að ég er ekkert sérstaklega bjartsýn á þetta alltsaman í dag! Var að uppgötva að eftir nákvæmlega viku þá verð ég byrjuð í prófum og það er svo rosalega mikið sem ég á eftir að gera áður en vikan er búin... Það hjálpar heldur ekki til að við erum víst að fara að dimmitera á föstudaginn sem þýðir að ég hef ekki nema fjóra daga til að klára öll heimaverkefni! Þetta er erfitt líf get ég sagt ykkur...

Kórinn fór í óvissuferð á laugardaginn uppí Mývatnssveit og var þetta bara ágætis ferð. Byrjuðum á því að fara í Buggy-bíla (eða hvernig sem það er skrifað) og tókst einum meðlimi kórsins að eyðileggja 2 af 3 bílum! Alveg frábært það en svo var farið uppá íþróttavöll þar sem kórnum var skipt í lið (eftir röddum, hversu kórlegt er það ha???   og var tekið á því í boðhlaupi... mitt lið vann ekki En svo eftir það skelltu allir sér í fótbolta, sömu lið, og þá unnum við stórglæsilega 5-2 Svo var bara skellt sér í baðlónið! Eftir það voru allir orðnir ansi svangir eftir langa og skemmtilegan dag og fórum við á hótel Sel og fengum okkur feita hamborgara og franskar að éta! Keyrðum svo syngjandi heim til Akureyrar og skelltum okkur uppí Kjarnaskóg en þar entist fólk ekkert rosalega lengi og tíndist fólk bara smám saman heim.. enda allir þreyttir eftir viðburðaríkan dag! Ég ætla bara að nota tækfærið og hrósa Sveinbjörgu fyrir það hvað hún var dugleg að skipuleggja þetta alltsaman!

Þegar ég kom heim þá skellti ég mér bara í djammgallan og fór með Hildir niður á Oddvita á ball með hljómsveitinni Oxford sem er frá Selfossi og þar af leiðandi þekkti Hildur hljómsveitarmeðlimi og enduðum við í eftirpartý með þeim.. það var svakastuð þar sem var setið og spilað Ólsen Ólsen.. fyrst með ósýnilegum spilum en svo var Rósa svo sniðug og reif niður blöð og notuðum við það sem spil! Mjög gaman það!

En ég verð nú bara að vera hreinskilin við ykkur krakkar mínir að ég nenni bara ómögulega að skrifa meira hérna í dag. Skrifa bara aftur síðar

bæjó

-=Ágústa=-

ARGGG það er aftur byrjaður að snjóa, Munda mínum til mikillar gleði, en ekki mér því að loksins var orðið autt og mín fékk að vera rosa svöl að fá bílinn í byen, en gallinn er bara sá að hann er á sumardekkjum og núna get ég ekki keyrt um á honum, hvers á maður að gjalda! Ég veit ekki hvað er málið með mig, er ekkert að komast í gang sko eftir þessa páska, ætlaði t.d. að fara á fætur kl 8 í morgun til að klára að læra undir próf en dröslaðist ekki fyrr en kl 9 á fætur, og þurfti að taka mit til í flýti til að labba í skólann.. held ég verði að fara að fá kaffi í æð allann daginn og gá hvort það virki ekki En helgin var tekin með trompi eins og stundum vill gerast hjá okkur.. Partý og djamm á börum bæjarinns sem leiddi líka af sér nokkur tekíla skot.. en samt ekki of mörg eins og stundum vill verða..hmmmmm. En næsta helgi verður líka róleg, því þau gömlu eru að fara í stórborgina og verð ég heima til að sjá til þess að litlu systkinin mín kveiki ekki í húsinu, og ég er búin að ákveða að ég ætla að búa til mína eigin, yndisbragðgóða pízzu.. bara svona láta ykkur vita að því að ég panta þær ekki alltaf hehehe. Svo er bara spurningin hvort að mar eigi að skella sér á FranZ Ferdinand sem eru held ég 27. maí.. alveg helvíti freistandi sko, en efast um það því mar fer á Iron maiden þann 7. júni, og soltið vafamál að fara 2svar suður með svona stuttu millibili, Hmpff (eins og Andrés Önd myndi segja) En jæja ætli sé ekki best að fara að koma sér heim, mér er farið að finnast alveg óþarflega heitt á þessu bókasafni hérna... fer að lalla heim kv.. sigurdís

Já Guffa mín þetta blogg er tileinkað þér og ef ég kynni textann í Guðfinnulaginu þá mundi ég syngja hann fyrir þig en það eina sem ég kann er : ó Guðfinna...

Já núna eru bara 13 dagar þangað til að lítið kríli á að fæðast í heiminn og get ég alveg sagt að mér hlakkar örugglega alveg jafn mikið til ef ekki meira en foreldrarnir sjálfir.. já ég verð sko stórmóðguð ef ég verð ekki fyrsta manneskja sem þið hringið í þegar allt fer á fullt

En annars er allt lítið að frétta.. páskafríið var bara mjög rólegt! kom ekki einn einasti gestur allan tíman og því lá ég mestmegnis og glápti á sjónvarpið og át! Fór reyndar þrisvar sinnum á ball.. Sálarball, Sentball og svo Quarashiball.... ágætisskemmtun það svo sem!!! 

En já ætli ég verði ekki sú eina sem skrifi hér allaveg næsta mánuðinn þar sem Hildur einfaldlega skrifar ekki nema þegar að ég skipa henni að gera það og hún Sigurdís þykist víst hafa eitthvað allt annað að gera heldur en að blogga þessa dagana.... Hún er víst komin með steypuveikina greyjið

Já og svo á hann Arnar frændi afmæli á morgun.. stórafmæli meirað segja... 25 ára kallinn... TIL HAMINGJU MEÐ ÞAÐ!! já og það er víst eitthvað rosa afmælistpartý svo annaðkveld og verður víst tekið allharkalega á því

Já og svo er maður búin að troða sér í þetta blessaða skólaleikrit hérna... er víst í hári og förðun og svo verð ég á spotlightinu víst... veit ekkert hvernig það á eftir að ganga!! dreymdi um daginn að ég væri að vinna við það og var alltaf að klúðra einhverju og reka mig í einhverja takka og trufla sýninguna og allir ætluðu bara að fara að myrða mig þannig að... ég veit ekki hvort að ég á að taka þessu sem viðvörun eða hvað!!!

Öll þessi skólavika er búin að einkennast af vinnu á bókasafninu... var að vinna í 2 tíma á miðv. 4 tíma á fimm. og svo 2 tíma á föst.. uss það verður feit summa sem ég fæ útborgað í maí

en jæja ég ætla að fara að taka til og henda einhverjum hálfvitum sem eru að læra uppá bókasafni á föstudagssíðdegi út og fara heim og taka nokkur lög með sigurdísi í singstar... takið eftir því að það var hún sem vildi þetta annars er ég að hugsa um að lána bara singstarið mitt í kvöld svo að Hildur missi sig ekki í því í kvöld

jæja blessó hressó

-=ágústa=-

Það er góður dagur í dag *blístr blístr* ó já gott fólk í dag er nebblega að koma páskafrí þegar þessi merkisskóladagur er liðinn, ummm ég get ekki beðið.. en samt skrítið að hugsa til þess að fyrir ári síðan var ég að fara til Mallorca á þessum tíma, ohh það var líka gaman, en ég sé bara fram á að vera mest heima með famílíunni og reyna að gera eitthvert gagn þar fyrir hjúin, var nú samt að spá í að fara á tónleika með quarashi sem verða hérna um páskana

Ég fór á myndina Hide and seek í gær með stelpunum, ég er samt svo vitlaus, ég á ekkert að vera að fara á svona myndir er alltaf alveg að skíta á mig af hræðslu og er með hendurnar fyrir augunum mest allan tímann og ef ég er með popp í poka er það fljúgandi um allt bíóið, en samt finnst mér gaman að fara á svona. Held annars að ég hafi nu bara staðið mig ansi vel miðað við suma þarna í bíóinu, öskraði bara einu sinni, en var samt soltið hrædd við að opna herbergishurðina mína í morgun Svo eftir bíóið vorum við bara að keyra um bæinn og ákváðum að líta við á dátanum í tilefni af því að það var fimmtudagur, og þar var ekkert nema krakkar undir aldri og einhverjir háskólagaurar horfandi girndaraugum á litlu stelpurnar, fannst það nú ekki mikið sniðugt og ég  held líka að við höfum aldrei staldrað svona stutt við þar og það var líka alveg yndislegt að vakna EKKI þunn í morgun, mar er alltaf að læra eitthvað nýtt, híhí.

Það er búið að vera slatta að gera hjá kórnum núna, vorum að syngja á miðvikudagskvöldið á einhverju harmoníkkuballi hérna í skólanum, held samt að kórinn hafir verið meginhlutinn af fólkinu þarna, en það var alveg ágætt, fékk nebblega köku Svo vorum við líka að syngja núna rétt áðan í gryfjunni, held það hafi ekki verið mjög gott, heyrði nokkra falska tóna en það skiptir engu

Nú er maður að reyna að ákveða hvað maður á að gera næsta vetur, etta er svo erfitt, veit ekkert hvað ég á að gera.. vildi að ég væri eins og Hildur systir mín sem var örugglega búin að ákveða hvað hún ætlaði að verða áður en hún fæddist..piff, en ætli mar vinni ekki bara næsta vetur, taka sér smá pásu frá skóla.

en ætla að hætta núna

kv.. Sigurdís

Já það er e-ð verið að skjóta á mann héran út og suður, en já ég veit ég hef verið löt við skriftar en ég hef mjög lítið að segja, þar seinustu helgi fór ég bara á djammið á föstudeginum(þegar Inga var í bænum) og ekki frásögu færandi en ég var víst pínu drukkin stelpurnar alltaf að tala um þennan og þessa sem ég hitti og ég man bara ekkert eftir því. En fór annars suður um helgina, og gerði ekkert nema eta fór ekki í eina einustu búð og þá er það slæmt ætlaði að hitta fullt af fólki en það var víst ekkert af því, kom í bæinn á föstudeginum og beint á árshátíð olís, ekkert sérstakt þekkti engan vissi ekki hver neinn var, varla, en það var mun skemmtilegar um kvöldið þegar maður fór að labba um og spjalla við fólk hitti strákana sem ég var að vinna með seinasta sumar, fór síðan bara snemma heim að sofa samt á eftir mömmu.

Laugardeginum vakin eldsnemma mæting í afmæli hjá litla frænda og matarboð á Selfoss síðan var undirbúningur undir fermingu langt fram á kvöld, steinrotaðist þegar heim var komin, vakin eldsnemma mæting í kirkju brunað heim til fermingabarnsins veisla klukkan tvö, svo vann maður í því að sjá til þess að nóg væri handa fólkinu á borðinu eltingaleikur við litlu börnin, og síðan þrif alveg yndislegt síðan tóku við tvær hiemsóknir með mömmu og pabba fór heim og sofnaði áður en ég lagðist á koddan þreytan var þvílík, og svo var bara brunað norður á mánudagsmorguninn fyrir allar aldir og keyrt mann beint í vinnuna.

Svona afdrifarík var mín helgi náið reyndar að horfa á idolið á upptöku on mín vann hún Hildur var búin að bíða spennt allt kvöldið til að geta horft á idolið er komið var heim af árshátíð og nei þegar ég var að fara kjöftuðu ekki einhverjar kellingar úrslitunum þannig að ég var ekkert að flýta mér bara labbaði sallaróleg heim á mínum háhæluðu skóm var reyndar heppin með það að Gestur (gamall vinnufélagi) býr rétt hjá ömmu þannig ég fékk félagsskap heim.

Enn sorry Ágústa náði ekki að gera pistilinn minn áhugaverðari en þetta anda ekkert afdrifaríkt búið að ggerast seinustu daga.

I´m out Hildur

 Hæ hæ og halló.. ég hef nú ákveðið að bæta aðeins upp letina í okkur stelpunum með því að skrifa smá hér inná þessa blessuðu síðu okkar!! Þar sem það er lengst frá því að hún Hildur hefur skrifað hér þá hef ég ákveðið að gefa henni titilinn "versti bloggarinn" og þið fáið ekki einu sinni að kjósa um það því að ég ræð hér hehe verður hún að bæta þetta upp með því að skrifa stórfenglegan og skemmtilegan pistil hér innan sólarhrings en annars festist þessi titill við hana það sem eftir er múhahahahahaha

Annars hef ég nú lítið að segja, síðasta helgi fór í leti og sjónvarpsgláp ásamt því að ég át mikið af mat, og þá helst óhollum Keyrði heim á fimmtudeginum svo að hún móðir mín yrði nú ekki ein í kotinu því hann faðir minn skellti sér bara til stórborgarinnar á eitthvað námskeið. Var ég bara mjög dugleg og fór með mömmu í fjárhúsin að gefa þessum rollum okkar að éta og drekka.

Eldaði dýrindis pizzu á föstudagskveldinu sem var étin með bestu lyst og svo var það bara Ædolið... og auðvitað vann hún Hildur Vala... hvað annað!! samt var hún Heiða helvíti góð og var ég orðin svolítið smeik um að hún myndi vinna ágætis skemmtun þetta! restin af helginni fór svo í sjónvarpsgláp og svefn en ég var reyndar líka svolítið dugleg og lærði heima í þýsku

Nú er bara planið að finna sér spænskukennara sem getur kennt mér allt um spænsku svo að ég nái nú spænskuáföngunum sem ég er í og þætti mér vænt um að ef þið dygguð aðdáendur mínir vitið um einhvern sem væri til í að kenna mér spænsku kannski gegn gjaldi þá væri það alveg hreint frábært!!! langar alveg rosalega að útskrifast í vor nefnilega því ég nenni ekki að hanga hér á Akureyri mínútu lengur en ég þarf....

Svo er kannski bara málið að fara að vinna á Egilsstöðum í sumar... kolla systir ætlar kannski að reyna að redda mér vinnu á Tommaborgurum þar sem hún er að fara að vinna! Líst mér alveg ágætlega á þetta þar sem mér langar ekkert sérstaklega að enda aftur í eldhúsinu á sjúkrahúsinu...

en jæja ég ætla að halda áfram að vinna, skrifa bara meira næst því ég veit að þið fáið aldrei nóg af bullinu í mér er það nokkuð??

-=Ágústa=-

Þessi heldi fór nú aðalega í djamm og sukkerí og svo að liggja í þynnku þar inn á milli og borða kalda pízzu og jappla á smarties.

Inga ákvað að koma í heimsókn um helgina og líta á ómenninguna hér á akureyri, finnst nú samt að hún ætti nú bara að flytja hingað aftur og hætta þessu bullu En á föstudagskvöldið byrjuðum við að fara til guðfinnu, elda og horfa á idol og fórum svo heim til mín og ágústu og tókum lagið í singstar, en svo fengum við Inga nú fljótt leið á því og töltum niðrí bæ og skildum kellunar eftir gólandi eins og þær ættu lífið að leysa, en þær sáu fljótt að sér og eltu okkur vorum  nú aðalega bara á amor vegna þess að nú er búið að opna uppi aftur þar þannig að það er hægt að fara þangað og dansa og hafa gaman. Og var það ekkert smá svona flashback frá því mar var á 2 ári.. því að við vorum alltaf þar þá.Ég, Ágústa og Hildur enduðum svo í einhverju partýi og vorum ekki komnar heim fyrr en um 8 um morguninn eða þangað til að gellurnar sem bjuggu þarna ákváðu að henda öllu kvenkyns þaðan út til að geta farið með vel völdum ungum drengjum... t.d. sjóræningajnum okkar ágústu! í gufubað...pifff og Inga fór heim í fýlu það kvöld..

En á laugardagskvöldið fórum við svo í Sjallan á skímo AGAIN!!! ekki samt halda það að ég sé mikill skímó fan eitthvað og var það nú bara alveg ágætt og fór hún Inga ekki í fýlu þá

Held samt að mar hafi nú sungið aðeins og mikið singstar um helgina.. allavegana kem ég ekki upp boffsi núna og ef ég reyni að tala er það eins og strákur í mútum þannig að ég er ekkert mikið að opna á mér kjaftinn í dag. En ég er líklegasta að fara á Iron Maden tónleikana með LITLU systkinin mín.. veit ekki alveg hvernig ég á að koma þeim lifandi þaðan út en það verður örugglega stuð

en nenni eki meiru.. kv.. Sigurdís

Alveg er það ótrúlegt hvað maður er latur við að skrifa, en ég vissi það nú reyndar strax og við stofnuðum þessa síðu en ég vonaði nú að hinar stelpurnar myndu bæta upp letina hjá mér en svo virðist nú reyndar ekki vera.. við erum hver annarri latari við að skrifa!!

En já byrjunin á þessari viku fór öll í það hjá mér að skrifa ritgerð í helvítis fjölmiðlafræðinni og var ég orðin frekar stressuð á þriðjudaginn þegar að ég var ekki komin nema með 2 bls af fjórum og var þá orðin 6 dögum of sein í að skila... tók ég þá bara miðvikudaginn með trompi, sat allan daginn inná bókasafni og kláraði hana og endaði hún sem 5 bls, forsíða og heimildarskrá og létti mér mikið þegar að ég stakk ritgerðinni í hólfið hennar Rakelar Svo leið mér ennþá betur í dag þegar að tvær aðrar stelpur skiluðu ritgerðinni í tímanum í morgun.. þá vissi ég að ég hefði ekki verið síðust að skila!!! Annars er næsta spark í rassinn til þess að drífa mig í að taka spænskupróf en ég held að ég ætli að geyma það til helgarinnar!!

Fórum svo stelpurnar til Guffu og Badda í gær og við grilluðum okkur þessar dýrindis kótelettur og hamborgara! Rosalega var þetta góður matur, leið mér bara eins og það væri komið sumar og sól og við værum bara stödd í útilegu! (utan við tímann þegar að ég stóð úti í kuldanum og var að grilla veisluréttina og belíf jú mí það var sko kalt!  Sátum við svo lengi á eftir við sjónvarpið því við gátum einfaldlega ekki staðið á fætur því að við vorum svo södd...  Svo var ég næstum því búin að missa heyrnina því að Klara tísti svo hátt uppí eyrað á mér! Ég get svo svarið það ég varð heyrnalaus í nokkrar sekúndur!!

Þetta er svo þriðji dagurinn minn í þessari viku sem ég er að vinna á bókasafninu.. Sirrý frænka er veik þannig að hver annar á að fylla í skarðið nema ég bjargvætturinn?? Skúringakonan sagði líka að ég væri rosa dugleg  Þetta er líka svo sem allt í lagi þannig lagað séð, utan við það að ég er að drepast úr hungri og langar að komast heim til að éta! Er að pæla í að henda bara þessu fólki útaf safninu því þetta eru flest allt vinkonur mínar sem eru að þykjast vera eikkað duglegar að læra!!

Ég er svo að fara heim í sveit á morgun í fyrsta skipti í 3 vikur eða eikkað... ætla ég mér að nota þessa helgi í eintóma leti, horfa á ædolið, nokkrar myndir og éta eins og svín... hlakkar mér MJÖG mikið til!!

Jæja ætla að segja þetta gott í dag

-=Ágústa=-